Туркиянинг Истанбул шаҳрида мушукларни кислота билан ўлдирган эркак саккиз йилга қамалди. Бу ҳақда DHA хабар берди.
Истанбул фуқароси 2023 йил июль ойида Эюпсултон туманида мушукларга кислота сепган. Ҳайвонлар ўлимга олиб келадиган даражада куйган ва нобуд бўлган.
Истанбул шаҳар суди эркакни “бирдан ортиқ уй ҳайвонларини қасддан ўлдириш” моддаси бўйича 4,5 йилга, шунингдек, “бирдан ортиқ ҳайвонни қийноққа солиш ёки уларга шафқатсиз муносабатда бўлиш” учун 3 йил-у 9 ойга озодликдан маҳрум қилган.
Суд мажлисида Истанбул адвокатлар коллегияси Ҳайвон ҳуқуқлари маркази адвокатлари ва Эюпсултон туман маъмурияти адвокати қатнашган. Айбланувчи ва унинг адвокати эса иштирок этмаган. Умумий ҳисобда эркак 8 йил-у 3 ой жазо муддатини ўтайди.
Изоҳ (0)