Гонконгда 90 дан ортиқ одам B гуруҳи стрептококклари келтириб чиқарадиган инфекцияни юқтирди. Бу ҳақда маҳаллий соғлиқни сақлаш маркази хабар берди.
Касаллик оқибатида тўрт киши вафот этган, яна тўрт нафар беморнинг аҳволи оғир. Беморлардан 43 нафарининг аҳволи барқарор бўлиб, 40 киши шифохонадан чиқарилган.
Касалланган 75 нафар бемор хом ҳолдаги чучук сув балиғини истеъмол қилган. Бу балиқлар Гонконгнинг 18 та туманидаги 47 та бозордан харид қилинган. Маҳаллий ҳокимият органлари аҳолини чучук сув балиқларини ушлашда қўлқоп кийишга, уни яхшилаб пиширилган ҳолда истеъмол қилишга, шунингдек, яралар яллиғланганда ва иситма кўтарилганда дарҳол тиббий ёрдамга мурожаат қилишга чақирмоқда.
Изоҳ (0)