Тошкент шаҳар Олмазор туманидаги хусусий мактабларнинг бирида ўқувчи бола калтаклангани ҳақида видеолар тарқалди. Ҳолат болалар омбудсмани томонидан назоратга олингани маълум қилинди.
Туман ИИО ФМБ томонидан олиб борилган терговга қадар текширув давомида аниқланишича, мазкур хусусий мактабнинг 9-синф ўқувчиси Ғ.Ж. (2008 йилда туғилган)га мактаб ўқитувчилари А.Ф. ва Н.М. томонидан жисмоний куч ишлатилган. Тайинланган суд тиббий экспертиза хулосасига кўра, Ғ.Ж.га енгил тан жароҳати етказилган.
Мазкур ҳолат юзасидан А.Ф. ва Н.М.ларнинг хатти-ҳаракатларига қонуний чора кўриш учун мазкур иш материаллари Жиноят ишлари бўйича Олмазор тумани судига юборилди.
Болалар омбудсмани ўз ваколатлари доирасида мазкур иш юзасидан кузатувини давом эттиради.
Аввалроқ Тошкент шаҳар Олмазор туманида мактаб ўқувчиси устига футбол дарвозаси тушиб кетиши оқибатида вафот этгани ҳақида хабар берилганди.
Шунингдек, Андижондаги мактаблардан бирида ўқувчи мактабдошини калтаклагани ҳақида хабар берилганди. Бундан ташқари, Бухорода ихтисослаштирилган мактаб-интернати ўқитувчиси руҳий ногирон ўқувчини ургани хабар қилинганди.
Изоҳ (1)
Bolalar obbusmaniga murojaatim: qish kunlari yaqinlashayapti qishloq maktablaridan ham bir xabar olinglar . Qachonki bir tayyor vedio chiqsa shuni soʻrishtirmay.