Ипак Йўли Банки Халқаро молия корпорацияси (IFC) билан 42 миллион АҚШ доллари миқдорида кредит линиясини жалб қилиш бўйича шартнома имзолаганлиги ҳақида мамнунлик билан эълон қилади. Мазкур шартнома Ўзбекистондаги кичик бизнес ва тадбиркор аёлларнинг молиялаштириш имкониятларини ривожлантиришга қаратилиши режалаштирилган.
Шартномага асосан кредит маблағларининг 25 фоизи аёл тадбиркорларни қўллаб-қувватлаш учун йўналтирилади. Ушбу молиявий ресурслар кичик ва ўрта бизнесларнинг ривожланишига ва янги иш ўринларини яратишига ёрдам беради, бу эса ўз навбатида миллий иқтисодиётнинг ўсишига хизмат қилади.
IFC ва Ипак Йўли Банки ўртасидаги ҳамкорлик 2018 йилда IFC томонидан 15 миллион АҚШ доллари миқдоридаги кичик бизнесларни қўллаб-қувватлаш учун ажратилган кредит линиядан бошланган, ушбу янги шартнома эса ўз навбатида томонлар ўртасидаги муносабатларни янада мустаҳкамланаётганининг далилдир. Шу билан бир қаторда, IFC томонидан Ипак Йўли Банкига кичик ва ўрта бизнесларга мўлжалланган маҳсулотлар ва хизматларни оптималлаштириш учун стратегик консалтинг кўмагини ҳам тақдим этади.
IFC ҳақида
IFC — Жаҳон банки гуруҳининг аъзоси ва ривожланаётган мамлакатларда хусусий секторга эътибор қаратган энг йирик глобал ривожланиш институтидир. 2024-молиявий йилда IFC ривожланаётган мамлакатлардаги хусусий компаниялар ва молия институтларига рекорд миқдорда 56 миллиард доллар маблағ ажратди. Батафсил маълумот www.ifc.org сайтида.
Реклама ҳуқуқи асосида.
Изоҳ (0)