Дунёнинг энг яхши гроссмейстери сифатида тан олинган норвегиялик Магнус Карлсен Россия шахмат федерациясидан санкциялар олиб ташланишига қарши чиқди.
Бу ҳақда шахматчи FIDE 100 мукофотини топшириш маросимида эълон қилди. Карлсеннинг таъкидлашича, шахмат бўйича собиқ жаҳон чемпиони ва бугунги кунда Путиннинг танқидчиси Гарри Каспаров унинг ўрнида бўлса, санкцияларнинг бекор қилинишига қарши чиқиш имкониятидан фойдаланган бўларди, шунинг учун Карлсен ҳам “худди шундай қилади”.
Россия шахмат федерацияси 2022 йилнинг март ойида Украинанинг босиб олинган ҳудудларидаги фаолияти учун санкцияларга дучор бўлган, бироқ 2024 йилнинг 14 сентябрида чеклов 14 минг евро миқдоридаги жарима билан алмаштирилган.
Украинада уруш бошланганидан кейин рус шахмат жамоаси иккига бўлинган. 44 та имзо, жумладан, ўттиз нафар гроссмейстер урушга қарши мурожаат қилган. Аввалроқ Қримнинг Федерация Кенгашида вакиллик қилган Сергей Карякин ҳамкасбларига қарши норозилик билдирган ҳамда босиб олинган ҳудудларда шахматни йўлга қўйган.
Изоҳ (0)