Бразилия Олий суди Илон Маскнинг ижтимоий тармоғини тўлиқ блокировкадан сўнг мамлакатдаги бир кунлик фаолияти учун 920 минг доллар миқдорида жаримага тортди.
“Бразилиялик фойдаланувчилар провайдернинг ўзгариши сабабли хизматдан қисқа муддатли фойдаланиш имкониятига эга бўлдилар”, дейилади тармоқнинг расмий баёнотида.
Бразилиянинг АBRINT интернет-провайдерлари ассоциациясининг тушунтиришича, кириш телефонларда ижтимоий тармоқ иловаси автоматик янгилангандан сўнг пайдо бўлган, бунинг натижасида Х доимий равишда ўзгариб турадиган IP манзиллардан фойдаланадиган Cloudflare булут хизматига ўтган. Бу блоклашни анча қийинлаштиради, чунки банклар ва давлат сайтлари каби бошқа сайтлар ва хизматлар бир хил манзиллардан фойдаланади.
19 сентябрь куни ижтимоий тармоқ Cloudflare хизматларидан фойдаланишни тўхтатган ва Бразилияда Х’га кириш имкони йўқолган. Маскнинг компанияси вакиллари воқеани “бехосдан содир бўлмагани”ни айтган.
“Биз платформа тез орада Бразилияда яна ишламай қолиши кутилаётган бўлса-да, биз уни имкон қадар тезроқ фойдаланувчиларга қайтариш учун Бразилия ҳукумати билан ишлашда давом этамиз”, дейди компания.
Август ойи охирида Бразилия Олий суди Х’га дезинформация тарқатишда айбланган ўнг радикаллар аккаунтларини ўчиришдан бош тортгани учун мамлакатдаги фаолиятини тақиқлаган эди. Судья Алешандри де Мораиш Х’дан тақиқни бузган ҳар бир кун учун тахминан 920 минг доллар ундирилишига қарор қилган ва Илон Маскнинг мамлакатдаги компаниялари активларини эҳтимолий жарима учун музлатиб қўйган.
Маскнинг ўзи Бразилияда одил судловга тўсқинлик қилиш, жиноий ҳамжамият ташкил этиш ва жиноятга ундашда айбланиб, тергов қилинмоқда.
Изоҳ (0)