“Ан-Насср” бош директори Гидо Фиэнга ҳужумчи Криштиану Роналдунинг клубга таъсири ҳақидаги миш-мишларга изоҳ берди.
Криштиану Роналду бизнинг сардоримиз ва у нафақат техник нуқтаи назардан, балки хулқ-атвори жиҳатидан ҳам дунёнинг энг кучли футболчиси. Криштиану клубни назорат қилмайди, лекин шубҳасиз, у дунёнинг энг яхшиси бўлгани учун қандай ҳаракат қилишимиз, қандай мақсадларга эришишимиз кераклигини айтиб туради. У турли жабҳаларда тенгсиз, шунинг учун биз ундан ғалаба қозониш сирларини сўраймиз.
Биз у билан бу йил ўз олдимизга қўйган мақсадларга имкон қадар эришмоқчимиз. Криштиану жамоанинг бир қисми ва биз унинг клубимизда борлигидан жуда хурсандмиз, — дея Фиэнга сўзларини келтиради ESPN.
Маълумот учун, Роналду “Ал-Насср”да 2023 йилдан буён ўйнаб келмоқда. Футболчининг клуб билан шартномаси 2025 йилгача мўлжалланган. Жорий мавсумда португалиялик барча турнирларда бешта ўйинда қатнашиб, тўртта гол ва иккита голли узатмани амалга оширди.
Изоҳ (0)