Yandex Uzbekistan ICТWeek'да янги премиум Ultima хизматини тақдим қилди. Энди Premier тарифи орқали юқори тоифадаги автомобилларда сафарлар буюртма қилиш ва шаҳарнинг машҳур ресторанларидан таомлар буюртма қилиш мумкин. Хизмат Тошкентдаги Yandex Go иловаси фойдаланувчилари учун аллақачон мавжуд.
Premier тарифи учун Hongqi H5, BYD Han ва LeapMotor C01 каби кенг салонли қора седанлар, шунингдек, ҳашаматли кроссоверлар ва бошқа олий тоифадаги автомобиллар таклиф қилинади. Автомобилларни 4.8 ёки ундан юқори рейтингга эга, синчковлик билан танланган ва қўшимча тайёргарликдан ўтган, шу жумладан, онлайн тест ва видео имтиҳон топширган ҳайдовчилар бошқаришади.
Хизмат кўрсатиш стандартларига алоҳида эътибор қаратилади: ҳайдовчилар доимо дресс-кодига риоя қиладилар, машина ёнида йўловчиларни кутиб олиб, эшикларни очиб беришади, юкларини ташишда ёрдам беришади ва ёмон об-ҳаво шароитида уларни машинага кузатиб боришади. Автомобиллар салонида Android ва iOS (шу жумладан, Тypе-C) қурилмалари учун заряд қурилмалари, ҳар бир йўловчи учун хушбўй салфеткалар ва сув мавжуд.
Ultima Yandex Gо хизмати нафақат максимал даражада қулай саёҳатларни, балки 15 дан ортиқ машҳур ресторанлардан таомларни етказиб беришни ҳам таклиф этади, улар орасида Winsday, Теппаняки, «Сироварня», «Про.Хинкали», Cуcуcина, Каспийка, Брассериэ Ламбиc, Benedict, Току ва бошқалар мавжуд.
Таомлар тажрибали, юқори рейтингга эга курерлар томонидан етказиб берилади. Ўртача етказиб бериш вақти тахминан 30 дақиқани ташкил этади. Ҳар бир таом унинг таъми, янгилиги ва қайноқлигини сақлаб қоладиган ўзига хос қадоққа жойланади – худди шеф-ошпаз келтирганидай. Бундан ташқари, фойдаланувчилар ҳар бир босқичда буюртмани кузатиш ва юзага келадиган барча муаммоларни тезкор ҳал қилишни ўз ичига олган устувор ёрдамга эга бўладилар.
-ZIiWNezX.jpg)
"Ultima Yandex Go премиум хизматлар экотизими орқали биз мижозларимизга бутунлай янги даражадаги қулайлик ва ғамхўрликни таклиф қилишни мақсад қилганмиз. Сиз беҳавотир равишда энг яхши шеф-ошпазлар томонидан тайёрланган ноз-неъматларни буюртма қилишингиз ёки премиум тоифадаги автомобилда сафар қилишингиз мумкин. Буларнинг барчаси битта илова орқали амалга оширилади. Ultima фойдаланувчиларга нафақат ўзига хос тажриба, балки ҳар бир деталга эътибор қаратилган хизмат орқали унутилмас таассуротлар беради", – дейди Yandex Go лойиҳаси Ultima хизмати раҳбари Мария Ревинская.
Изоҳ (0)