Қозоғистоннинг олтита вилоятида ҳаво ҳарорати 6 даражага совиб кетиши кутилмоқда. Бу ҳақда синоптикларга таяниб, Zakon.kz хабар берди.
Маълум қилинишича, 18 сентябрда республиканинг катта қисмида кенг кўламли антициклон таъсирида об-ҳаво ёғингарчиликсиз сақланиб қолади. Қозоғистоннинг шарқий, жанубий ва жануби-шарқий ҳудудларида фронтал бўлинишлар таъсирида момақалдироқ кузатилиб, ёмғир ёғади. Тоғли ҳудудларда эса туман тушиши кутилмоқда. Республика бўйлаб шамолнинг кучайиши прогноз қилинган.
“Шарқий Қозоғистон, Павлодар, Шимолий Қозоғистон, Қарағанда, Абай, Кўстанай, Ақмўла ҳамда Жетису вилоятининг тоғли ҳудудларида ҳарорат -1 дан -6 даражагача пасайиб, аёз бўлиши кутилмоқда”, дейилади прогнозда.
Қўшни республикада сентябрь ойи аксарият вилоятлар аҳолиси учун салқин ва ёмғирли кечиши маълум қилинган.
Изоҳ (0)