Буюк Британия ҳукумати мамлакат чегаралари хавфсизлигини мустаҳкамлаш учун 75 миллион фунт стерлинг (100 миллион доллар) сарфлайди. Бу ҳақда Британия Ички ишлар вазирлиги раҳбари Иветт Купер маълум қилган.
Қайд этилишича, маблағлар янги лейбористлар ҳукумати томонидан ташкил этилган Чегара қўмондонлиги, полиция ва жиноятчиликка қарши кураш миллий агентлигини молиялаштиришга йўналтирилади.
Департаментга кўра, Консерватив ҳукумат томонидан ноқонуний миграцияга қарши курашиш чора-тадбирлари учун ажратилган қўшимча маблағлар чегарачилар ва терговчилар сонини кўпайтириш, шунингдек, кузатув, маълумотларни йиғиш ва қайта ишлаш бўйича илғор технологияларни жорий этиш имконини бериши кутилмоқда.
“Жиноий гуруҳлар чегараларимиз хавфсизлигига путур етказмоқда, ҳаётимизни хавф остига қўймоқда. Чегара қўмондонлиги чегараларимиз хавфсизлигини мустаҳкамлаш учун мигрантлар контрабандаси ва одам савдоси билан шуғулланувчи гуруҳларга қарши кураш бўйича ёндашувни қайта кўриб чиқади ва модернизация қилади”, деди Купер.
Аввалроқ Германия қуруқликдаги барча чегараларида вақтинчалик назорат пунктларини ўрнатгани хабар берилганди.
Изоҳ (0)