Киев НАТОга қабул қилинмагунча Украинада тинчлик бўлмайди. Бу ҳақда НАТО бош котиби Йенс Столтенберг Foreign Policy нашрига берган онлайн интервьюсида маълум қилди.
“Украина НАТОнинг бир қисми бўлмасдан туриб, мамлакатда тинчлик ўрнатиб бўлмайди”, деди Столтенберг.
Бироқ унинг сўзларига кўра, НАТОга аъзо давлатлар Украинани иттифоққа таклиф қилиш бўйича ҳалигача келишувга эришмаган.
Аввалроқ Россия президенти Владимир Путин, агар НАТО давлатлари Киевга Ғарбнинг узоқ масофали қуролларини қўллашига рухсат берса, бу альянснинг Россия—Украина можаросига бевосита аралашувини англатишини айтган эди.
Столтенберг интервьюда альянс давлатлари Киевга Россия ҳудудига Ғарб қуроллари билан зарба беришга рухсат берса, НАТО Украинадаги можаронинг бир қисмига айланмаслигини таъкидлади.
“Биз можаронинг бир қисмига айланамиз, дейиш нотўғри”, деди у ва НАТО Эрон ҳамда Шимолий Кореяни Москвага ҳарбий ёрдам етказиб бераётгани учун можаронинг бир қисми деб ҳисобламаслигини қўшимча қилди.
Изоҳ (0)