Бразилия собиқ президентининг қамоқ муддати кескин қисқартирилади

Жаир Болсонаро 2022-йилги сайловларда Луиз Инасио Лула да Сильвага ютқазган. Шундан сўнг у ҳокимиятни сақлаб қолишга уринишда айбланиб, 2025 йилда 27 йилга озодликдан маҳрум этилган эди.

Консерватив кўпчиликдан иборат Конгресс ушбу муддатни атиги 2 йилга туширишни таклиф қилди. Президент Лула бу уринишни тўхтатишга ҳаракат қилиб, қонун лойиҳасига вито қўйган. Бироқ 30 апрель куни бўлиб ўтган сессияда қонун чиқарувчилар жазо муддатини ҳисоблаш тартибини ўзгартирувчи қонунни қабул қилиб, витони четлаб ўтди. Ушбу қонун устидан Олий судда шикоят қилиниши мумкин.

71 ёшда бўлган Болсонару март ойида соғлиғи ёмонлашгани сабабли вақтинча уй қамоғига ўтказилган. Собиқ армия капитани 2019 йилдан 2022 йилгача президентлик қилган.

Олий суд судьяларининг сентябрь ойидаги хулосасига кўра, у Лула да Сильва ва вице-президент Жералду Алкминга суйиқасд уюштириш режаларидан хабардор бўлган. Бироқ мамлакат қуролли кучлари раҳбарлари фитнани қўллаб-қувватламагани сабабли режа амалга ошмай қолган. Натижада Лула 2023 йил 1 январда ҳеч қандай ҳодисасиз лавозимига киришган.

Veto бекор қилингач, кўплаб депутатлар баланд овозда “Озодлик!” ва “Флавио Болсонаро!” деб ҳайқирди. Флавио — собиқ президентнинг тўнғич ўғли бўлиб, у отасининг курсисини эгаллашни мақсад қилган.

45 ёшни қаршилаган сенатор Флавио Болсонаро ўзининг X саҳифасида шундай ёзди:

Қонунни қабул қилиш учун Конгресснинг учдан икки қисмидан кўпроғи овоз берди. Бу қонун давлат тўнтаришига оид ишларда айбланган шахсларнинг жазосини енгиллатишни кўзда тутади.

Тўртинчи муддатга сайланиш учун кампания бошлаган Лула да Сильва учун бу жорий ҳафтадаги иккинчи зарба бўлди. Ветони бекор қилишдан бир кун олдин Сенат Луланинг Олий суд судьялигига номзоди Хорхе Мессиасни рад этганди.

Бразилияда сўнгги ўн йилликларда президент томонидан таклиф этилган номзоднинг рад этилиши биринчи бор кузатилмоқда. Сўровномаларда Лула билан тенг натижа кўрсатаётган кичик Болсонаро учун бу воқеалар сиёсий устунлик бермоқда.