Марказий беллашув, шиддатли ўйин ва Намангандан очко олиб қайтган “аждарлар”. “Навбаҳор”—“Насаф” ўйинидан фотогалерея

Суперлиганинг 18-туридан ўрин олган баҳсда Наманганнинг “Навбаҳор” жамоаси ўз майдонида турнир жадвали пешқадами “Насаф”ни қабул қилди. 

Мазкур ўйин нафақат ушбу тур, балки жорий мавсумнинг ҳам марказий беллашувларидан бири бўлганлиги боис ушбу баҳсга қизиқиш катта бўлди. 

Учрашув кескин курашлар остида кечди. Бироқ дарвозаларга тўп киритилмади ва жамоалар танаффусга 0:0 ҳисобида йўл олди. Ўйиннинг иккинчи бўлими ҳам шиддатли тарзда кечди. 56-дақиқада меҳмонлар ҳисобни очди: Ойбек Бозоровнинг чап қанотдан жарима майдончасига етказиб берган тўпини “Насаф”нинг грузиялик ярим ҳимоячиси Жамбули Жигаури боши билан дарвозага аниқ йўллади — 0:1.

Қолган дақиқаларда ҳар икки жамоада бир қатор вазиятлар юзага келган бўлса ҳам дарвозаларга бошқа тўп киритилмади ва қаршиликлар 41 очко тўплаб, пешқадамлик мавқейини янада мустаҳкамлаб олди.

“Дарё” ушбу ўйиндан фотогалерея тайёрлади.