Тошкент шаҳрида фаолият юритувчи йирик савдо марказларидан бирининг масъули қўл остида фаолият юритувчи ходимини калтаклаб, видеога олдирди. Мазкур ҳолат тармоқларда тарқалгач, кўпчилик муҳокамасига сабаб бўлди.
Савдо маркази асосчиси Омадбек Холматов видеони тармоқлар орқали кўриб қолганини айтиб, ҳолатдан ўзи ҳам шокка тушганини маълум қилди.
Зўравонлик жазосиз қолмайди. Бу қилинган аблаҳ иш учун қонуний жавобгарликка тортилишига ишонамиз. Йиллар давомида келаётган мижозларга яхши муаомала қилишга ҳаракат қиламиз. Ҳурмат кўрсатишга уринамиз. Лекин кўплаб болалар ишлагани учун айнан шу ҳолатни назоратга ололмай қолибмиз, бунинг учун узр сўраймиз, дейди савдо маркази асосчиси.
Савдо маркази раҳбари бундай зўравонликка қарши эканини, бундай ҳаракат жазосиз қолмаслигига ишонишини айтмоқда.
Мазкур ҳолат бўйича қонуний тартибда чора кўриш ишлари бошланган, тафсилотлари ҳақида хабар берамиз, дейди у.
Омадбек Холматов битта ходимининг ўйламай қилган иши учун йиллар давомида халқ орасида ишонч қозонган ва обрў орттирган савдо маркази фаолиятини қоралаб ташламасликни сўради.
Изоҳ (0)