Беларусь президенти Александр Лукашенконинг Минск ва Теҳрон Яқин Шарқ ва Европа минтақасидаги кескин ҳарбий-сиёсий вазиятни инобатга олган ҳолда биргаликда ҳаракат қилишлари кераклигини маълум қилди.
“Яқин Шарқда, Беларусь чегаралари яқинида, Европа минтақасида кескин ҳарбий-сиёсий вазият юзага келганда бизга нафақат маслаҳатлашувлар, балки мамлакатингиз билан биргаликдаги ҳаракатлар ҳам зарур. Биз кўп қутбли дунё томон кетяпмиз. Бу жуда қийин йўл бўлади. Яхшиямки, Эронда ҳам, бошқа мамлакатларда ҳам буни яхши тушунишади”, дейди Лукашенко Эрон Миллий хавфсизлик олий кенгаши котиби Али Акбар Аҳмадиан билан учрашувда.
Учрашув чоғида у, шунингдек, Эронга ШҲТга аъзо бўлишда кўрсатган улкан ёрдами учун миннатдорчилик билдирган. Лукашенконинг сўзларига кўра, қарама-қаршиликнинг ҳозирги мураккаб шароитида хавфсизлик масалалари биринчи ўринга чиқади.
“Иқтисодиёт ишласа, мамлакатлар ўртасидаги савдо-иқтисодий муносабатлар жуда жиддий ва жадал ривожлансагина хавфсизлик самарали бўлишини тан олиш зарур”, дейди Лукашенко.
Беларусь етакчиси савдо-иқтисодий муносабатларнинг секинлашишига йўл қўймаслик кераклигини яна бир бор таъкидлаган. Унинг қўшимча қилишича, бу икки давлат ўртасидаги ҳаракатлар ва муносабатларнинг асоси, пойдевори ҳисобланади.
Изоҳ (0)