Ярим ўрта вазн тоифасида ўзбекистонлик профессионал боксчи, WBA камари учун мажбурий даъвогар бўлиб турган Шаҳрам Ғиёсов ўз вазн тоифасидаги собиқ чемпиони Теренс Кроуфорд ҳақида гапирди.
“Ҳеч нарса деб бўлмайди. Агар мен жаҳон чемпиони бўлсам, у эса яна бизнинг вазнга қайтса, жанг қилишимиз мумкин.
Канело билан жуда қизиқарли жанг бўлиши мумкин. Лекин унинг Саулга кучи етмайди. Алварес жуда ҳам бақувват, Кроуфордни Исроил (Мадримов) қийнади, Канело Исроилдан ҳам кучли”, — деди Ғиёсов.
Эслатиб ўтамиз, 4 август куни Кроуфорд супер ярим ўрта вазнда WBA камари соҳиби, ўзбекистонлик Исроил Мадримов билан жанг қилиб, очколар ҳисобига кўра ғалаба қозонган эди.
Шаҳрам Ғиёсов эса 1 август санасида сўнгги жангини ўтказган эди. Лос-Анжелесда бўлиб ўтган бокс оқшомида Шаҳрам Мигел Перрани очколар ҳисобига мағлуб этганди.
Изоҳ (0)