Қашқадарё вилояти маркази Қарши шаҳрида XVII ёзги Паралимпия ўйинларида қатнашган маҳаллий спортчиларни кутиб олиш маросими бўлиб ўтди. Вилоят ҳокими совриндор спортчиларга хонадон совға қилди.
-BPfkwU0G.jpg)
Париж Паралимпия ўйинларида қатнашган қашқадарёлик пара енгил атлетикачи Асила Мирзаёрова Паралимпия рекордини янгилаб олтин медални, пара дзюдо мусобақасида қатнашган Довурхон Кароматов бронза медалини қўлга киритган эди.
Қашқадарё вилояти ҳокими Муроджон Азимов спортчиларга кўп қаватли уйдан (2 хонали) хонадон совға қилди.
-ZGWKXgRF.jpg)
Маълумот учун, ушбу спортчилар президент томонидан тегишли совғаларни ҳам қўлга киритган эди.
Хусусан, Асила Мирзаёровага 200 минг АҚШ доллари, Tahoe автомобили ва Тошкент шаҳридан 2 қаватли коттеж берилган бўлса, Довурхон Кароматовга 50 минг АҚШ доллари, BYD Song Plus DM-i Champion автомобили ва Тошкент шаҳридан хонадон калитлари топширилган эди.
Парижда ўтказилган Паралимпия ўйинлари Ўзбекистон делегацияси учун муваффақиятли якунланди. Ушбу мусобақада ўзбекистонликлар 10 та олтин, 9 та кумуш ва 7 та бронза медалини қўлга киритиб, умумжамоа ҳисобида 13-ўринни эгаллади.
Изоҳ (0)