Қозоғистон парламентининг навбатдаги йиғилишида 12 ёшдан жиноий жавобгарликни белгилаш таклиф қилинди.
![](/static/2024/09/11/photo_2024-09-11_20-27-52-N0aPGUef.jpg)
Қайд этилишича, парламент депутати Магеррам Магеррамов бош вазир Олжас Бектеновга айрим жиноятлар учун жиноий жавобгарлик ёшини пасайтириш таклифи билан мурожаат қилган.
“Эҳтимол, биз қонунчилар, айрим жиноятлар учун жиноий жавобгарлик бошланадиган ёш чегараларини қайта кўриб чиқишимиз, жавобгарликни 14 ёшдан эмас, балки 12 ёшдан белгилашимиз керак. Масалан, зўрлаш ҳолатларида”, дейди депутат.
Унинг сўзларига кўра, қозоқ мактаблари хавфсиз эмас. Қозоғистонликлар худди шундай вояга етмаганлар томонидан содир этилган болаларни зўрлаш, калтаклаш ва ўлдириш ҳақидаги хабарларга бир неча бор гувоҳ бўлган.
Магеррамовнинг фикрича, вояга етмаганлар жинояти кейинчалик армиядаги жиноятлар, жумладан, ўлимга олиб келадиган жиноятларга сабаб бўлмоқда.
“Ўсмирларда криминоген хулқ-атворнинг шаклланишига жамоатчилик фикрида аниқ ифодаланадиган маънавий-ҳуқуқий ва бошқа ижтимоий ҳимоя шаклларининг ягона тизими йўқлиги сабаб бўлмоқда”, таъкидлаган Магеррамов.
Изоҳ (0)