Германия Дания ва Нидерландия билан ҳамкорликда Украинага Леопард 1А5 танкларининг қўшимча партиясини юборишни режалаштирмоқда. Бу ҳақда Германия мудофаа вазири Борис Писториус маълум қилди.
“Германия Дания билан қўшма лойиҳа доирасида Украинага 58 та Леопард 1А5 танкларини етказиб берди. Яна 77 та Леопард 1А5 танклари имкон қадар тезроқ Дания ва Нидерландия билан ҳамкорликда етказиб берилади”, деди Писториус.
6 сентябрь куни Украина президенти Владимир Зеленский ўзининг Telegram каналида Рамштейн базасида бўлиб ўтадиган алоқа гуруҳи йиғилишида иштирок этиш учун Германияга учиб кетганини маълум қилди.
Давлат раҳбари учрашув арафасида таъкидлаганидек, ҳозирда Киев Ғарбдаги ҳамкорларидан маблағ ва қуролга муҳтож.
Тадбирда АҚШ Мудофаа вазири Ллойд Остин ҳам иштирок этди. Учрашувда Пентагон раҳбари кун охиригача Америка етакчиси Жо Байден Украинага янги ҳарбий ёрдам пакети ажратилишини эълон қилишини айтди. Унинг ҳажми 250 миллион долларни ташкил қилиши кутилмоқда.
Изоҳ (0)