Сирдарёда камбағалликни қисқартириш бўйича янгича ёндашув таклифи илгари сурилди. Бу ҳақда Ижтимоий ҳимоя миллий агентлиги хабар берди.
![](/static/2024/08/30/photo_2024-08-29_22-10-57-mMo6oC4q.jpg)
Маълум қилинишича, агентлик директори Мансурбек Оллоёров Сирдарё туманида бўлиб, Сирдарё вилояти ҳокими Акмалжон Маҳмудалиев ҳамроҳлигида ҳудудда “Ижтимоий ҳимоя ягона реестри”да рўйхатга олинган оилалар, уларнинг камбағалликдан чиқариш учун мавжуд имкониятларни ўрганди.
![](/static/2024/08/30/photo_2024-08-29_22-10-58-AQ3OegmC.jpg)
Дастлаб ҳудудда камбағалликни қисқартириш борасида амалга оширилаётган ишлар ва кутилаётган натижалар таҳлили юзасидан соҳа масъуллари ва “маҳалла еттилиги” нинг таклиф ва режалари тингланди.
Сўнг туманнинг “Илғор” ва “Оқ йўл” маҳаллаларида оғир ижтимоий вазиятга тушиб қолган оилалар ва ногиронлиги бўлган шахслар хонадонига кирилиб, уларнинг турмуш шароити кўздан кечирилди. Фуқаролар билан суҳбат қилинди.
![](/static/2024/08/30/photo_2024-08-29_22-10-58 (2)-fBD0DSQi.jpg)
Қайд этилишича, эндиликда ҳар бир оиланинг ижтимоий аҳволидан келиб чиққан ҳолда дастлаб уни камбағалликдан чиқариш учун монелик қилаётган омиллар бартараф этиллади. Сўнг уни даромадли қилиш чоралари кўрилади.
“Маҳалла еттилиги” ўзаро ҳамжиҳатликда ҳар бир оиланинг ижтимоий ҳолатидан келиб чиқиб, манзилли режа ишлаб чиқиши лозимлиги таъкидланди.
Бундан ташқари, ушбу ҳудуддаги бўш турган давлат мулки объектлари билан ҳам танишилиб, унга тадбиркорларни жалб қилиш, янги иш ўринларини яратиш бўйича масъуллар олдига вазифалар белгилаб берилди.
Изоҳ (0)