AKFA Group барча ватандошларни Мустақиллик байрами билан муборакбод этиб, энг эзгу тилакларни изҳор этади.
Бундан роппа-роса 33 йил аввал Ўзбекистон халқи суверен ва мустақил тараққиёт йўлини танлади. Мустақиллик йилларда мамлакатимизда катта муваффақиятларга эришилди. Хусусан, ялпи ички маҳсулот ошди, иқтисодиёт барқарор ўсиб бормоқда, ишлаб чиқаришнинг янги йўналишлари фаол ўзлаштирилмоқда. Ўзбекистон спорт, таълим ва бошқа соҳаларда юксак натижаларга эришмоқда, жаҳон миқёсида ўз мавқеини мустаҳкамламоқда.
Бугун мамлакатимиз миллий иқтисодиёт ва халқаро нуфузни янада мустаҳкамлашга қаратилган ўз тараққиётининг янги босқичига қадам қўймоқда.
Мустақиллик байрами муносабати билан, AKFA Group барча ватандошларни чин қалбдан самимий муборакбод этади. Жонажон Ўзбекистонимизда тинчлик ва барқарорлик, фаровонлик ва файзу-барака ҳукм сурсин, халқимиз ҳамжиҳатлиги абадий бўлсин. Ватанимиз тараққиётига ҳисса қўшиш йўлида ҳар биримизга Яратганнинг ўзи куч-қувват берсин.
Тез ўзгараётган дунёда глобал муаммолар шароитида мамлакатимизни ҳар томонлама янада ривожлантириш жараёнида хусусий секторнинг ўрни муҳим. Шу боис AKFA Group янги лойиҳаларга сармоя киритиб, бутун мамлакат бўйлаб янги иш ўринлари яратиш, илғор технологияларни жорий этиш ва экспорт географиясини кенгайтириш орқали мамлакатнинг иқтисодий ва ижтимоий юксалишида ишончли ҳамкор бўлишга интилади.
AKFA Group шунга ишонадики, халқимиз бирдамлиги, меҳр-оқибати ва тараққиётга интилиши Ўзбекистонни янги муваффақиятлар сари етаклайди. Ҳар бир йил жонажон юртимизга янги ютуқлар олиб келсин, ҳар бир фуқаро эртанги кунга ишончини ҳис қилсин.
Реклама ҳуқуқи асосида.
Изоҳ (0)