-81 кг вазн тоифасида Париж Олимпиадаси чемпиони бўлган норвегиялик оғир атлетикачи Солфрид Коанда ўз мамлакатидаги оғир атлетикачиларнинг даромади камлиги ҳақида гапириб ўтди.
“Ҳозир ўзимни маъбуда каби ҳис қиляпман, лекин яна электрик бўлиб ишларман, билмайман. Балки 2028 йилги Олимпиадага тайёргарликни молиялаштиришим учун олтин медалимни сотувга қўйишга мажбур бўларман. Кўрамиз”, — дейди спортчи.
25 ёшли Коанда даст кўтариш ва силтаб кўтаришда жами 275 кг натижа қайд этиб, Олимпия рекорди билан Париждаги мусобақада ғолиб бўлди. Иккинчи ўринни мисрлик спортчи Сара Аҳмад (268 кг) эгаллади. Эквадор вакили Нейси Даҳомес (267 кг) кучли учликни якунлаб берди.
Париж Олимпиадаси 11 август куни ўз якунига етди. Олимпиадада 32 та спорт тури бўйича 329 та совринлар тўплами ўйналди.
Изоҳ (0)