Россия кучлари Украина шарқидаги Покровск ҳудудига сўнгги 24 соат давомида ўнлаб ҳужумлар уюштирган. Бу ҳақда Россия ҳарбий маъмурияти берган маълумотларга асосланиб, Reuters нашри хабар берди.
Манбада айтилишича, рус бўлинмалари Покровск йўналиши томон оммавий равишда ҳаракатланмоқда. Ушбу ҳужум Украинанинг Курскдаги юришлари суръатини камайтириш ҳамда Украина ичкарисида ваҳима уйғотиш учун уюштирилган бўлиши мумкин.
Бир қанча манбалар Россия Покровск йўналишида сўнгги бир неча ҳафта давомида аскарлар тўплаб келганини айтган. Покровскка ҳужумдан мақсад эса Киевни шарқий вилоятларга олиб борувчи логистика марказидан узиб қўйиш бўлган.
12—13 август кунлари Покровск йўналишида фронтда 52 нуқтада тўқнашув кузатилган. Аскарлар мудофаа позицияларини тарк этиб, рақиб ҳудудини оммавий ўққа тутиши кузатилган.
Россия сўнгги 24 соатда Покровскдан 20 км узоқликда жойлашган Хродивка ва Желанноe ҳудудларини ўққа тутган. Ушбу ҳудудларнинг бир қисми руслар назоратига ўтган. Ҳужумда ҳалок бўлган ва яраланган аскарлар сони маълум эмас.
Сўнгги ҳафтада Украинанинг Курскка ҳужумлари ортидан шарқий фронтда ҳам Россия фаол ҳаракатлар бошлаган. Бир муддат тинчиб қолган 1000 километрли мудофаа чизиғи атрофида ян жанглар бошланиб кетган.
Мутахассислар Покровск эгалланса, Украина учун Донецк вилоятидаги ҳарбий кампания тўла муваффақиятсизликка учрашини айтган.
Изоҳ (0)