Марсдаги тоғ жинслари қатлами остидан суюқ ҳолатдаги сув захираси топилди

Олимлар Марсдаги тоғ жинслари қатлами остида суюқ ҳолатдаги сув захирасини аниқлашди. Бу ҳақда BBC нашри НАSА баёнотига асосланиб хабар берди.

Манбада айтилишича, зув захирасини НАSА'нинг Мars Insight Lander космик машинаси аниқлаган. Ушбу қурилма 2018 йилдаги космик миссия доирасида қизил сайёрага юборилган эди.

Маrs Insight Lander узоқ муддат давомида тупроқ ва тоғ жинслари қатламини таҳлил қилган. Қурилмага махсус сейсмометр жойлаштирилган бўлиб, у яқин-атрофдаги сув захираси тебраниши частотасини тутиб олишга мўлжалланган.

Сейсмометр тоғ жинслари қатлами остида “сейсмик сигналлар”ни қайд этган. Одатда бу каби сигналлар суюқ ҳолатдаги сув қалқиши ёки тебраниши оқибатида ҳосил бўлади.

Анча йиллар олдин Марс қутбларида музлаган сув ва атмосферасида сув буғи борлиги аниқланган эди. Аммо суюқ ҳолатдаги сув аниқланмаган. Янги топилма Марсда ичимлик сувининг агрегат ҳолати ҳақидаги фаразларни ўзгартириши мумкин.

Сўнгги топилмалар Preceeding of the National Academy of Sciences журналида чоп этилган. Манбада 2022 йил декабридан кейин олиб борилган ўрганишлар батафсил ёритилади ва “Марс пулси” ҳақида кўплаб далиллар тақдим этилади.

Манбада айтилишича, суюқ сув захираси Марс юзасидан 10-20 километр чуқурликда жойлашган. Марс пўстлоғи ҳаракатчан бўлиб, қурилмалар унда 2022 йилдан бери 1319 та зилзила қайд этган. Зилзила кучи эса сув депотини тебратган.

Тадқиқотчилар аниқланган сув таркиби борасида ўрганиш олиб борилаётганини хабар берган.