Туркияда 2 август куни кириш чекланган Instagram тўққиз кун ўтиб блокдан чиқарилди.
“Биз аввалбошданоқ ижтимоий медиа платформалари Туркия Республикаси қонунларини ҳурмат қилишини хоҳлаган эдик. Instagram вакиллари билан олиб борган музокараларимиз натижасида блокни олиб ташлаймиз. Улар бизнинг талабларимизни қондиришга ваъда беришди”, деган мамлакат транспорт ва инфратузилма вазири Абдулқодир Уралоғли Х ижтимоий тармоғида.
Унинг аниқлик киритишича, талаблар, шу жумладан, фойдаланувчилар контентига нисбатан цензура ва тарқатилиши Туркия қонунчилиги бўйича жиноят ҳисобланган ва ўчириб ташланиши лозим бўлган материалларни олиб ташлаш билан билан ҳам боғлиқ эди.
Туркияда Instagram 10 август куни соат 21:30 дан бошлаб фаолиятини тиклади. Turkiye Gasetesi’нинг ёзишича, мамлакатда ушбу ижтимоий тармоқдан 60 миллион киши фойдаланади.
Instagram’га кириш Туркия ахборот технологиялари ва алоқа бошқармаси қарори билан 2 август куни блокланганди. Расмийлар ижтимоий тармоқнинг блокланиши расмий сабабини келтирмаган бўлса-да, Туркия президенти маъмурияти алоқа бўлими раҳбари Фаҳреттин Алтун қарор Исмоил Ҳания ўлими муносабати билан пайдо бўлган ҳамдардлик челленжига Instagram томонидан тақиқ қўйилиши ортидан қабул қилинганига ишора қилганди.
Изоҳ (0)