Франциянинг Париж шаҳрида ёзги Олимпиада баҳсларида бокс мусобақалари ҳам давом этмоқда.
-57 кг вазн тоифасида ҳаракат қиладиган Абдумалик Ҳалоков финалда қирғизистонлик Мунарбек Сеитбек Уулуга қарши жанг қилди.
Биринчи раундда Абдумалик 5:0 ҳисобида устун келди. Иккинчи раундни ҳам ўзбекистонлик боксчи худди шундай ҳисобда якунлади.
Учинчи раундда ҳам рақибига имкон қолдирмаган Абдумалик Ҳалоков Париж Олимпиадаси олтин медалига сазовор бўлди.
Абдумалик Ҳалоков дастлабки босқичда Швеция вакили Небил Ибраҳимга қарши жанг қилиб ғалаба қозонган эди. Иккинчи жангида эса испаниялик Хосе Куилес Бротонсни таслим этганди. Ярим финалда эса австралиялик Charlie Сенёрни мағлуб этганди.
Изоҳ (0)