Франциянинг Париж шаҳрида ёзги Олимпиада баҳсларида бокс мусобақалари ҳам давом этмоқда.
-92 кг вазн тоифасида ўзбекистонлик боксчи Лазизбек Муллажонов финалда озарбайжонлик Алфонсо Домингесга қарши жанг қилди.
Илк раундни Лазизбек ўз фойдасига ҳал қилди — 5:0. Иккинчи раунд ҳам худди шу ҳисобда Муллажоновнинг устунлигида якунланди.
Учинчи раундда ҳам рақибига имкон бермаган ўзбекистонлик боксчи Олимпиада чемпионига айланди.
Эслатиб ўтамиз, Лазизбек бундан олдинги босқичда италиялик Азиз Аббес Муҳиддинга қарши жанг қилиб, ғалаба қозонган эди. Чорак финалда эса бразилиялик Кено Мачадо таслим этилганди. Ярим финалда тожикистонлик Давлат Болтаев мағлуб этилган эди.
Изоҳ (0)