Хитой Фавқулодда вазиятлар вазирлиги июль ойида табиий офатлар келтирган иқтисодий зарар ҳақидаги маълумотларни тақдим этди.
Вазирлик бу зарарни 76,9 миллиард юан (10,7 миллиард доллар) деб баҳоламоқда. Бу йил бошидан бери энг юқори ойлик кўрсаткичдир. Ўтган йилнинг июль ойига нисбатан мамлакатда табиий офатлардан кўрилган йўқотишлар икки баравар кўпайган.
Асосий зарар ёғингарчилик ва сув тошқини сабаб юзага келган. Умуман олганда, йил бошидан буён табиий офатлардан кўрилган зарар 170 миллиард юанни ташкил этди. Вазирликнинг хабарига кўра, табиий офатлардан у ёки бу тарзда жабрланганлар сони камида 58,8 миллион кишига етган.
Мутахассисларнинг таъкидлашича, дарё бўйида аҳолининг зич жойлашгани ва ёздаги кучли ёғингарчиликлар сабаб Хитой иқлим ўзгаришининг салбий оқибатларига энг заиф ҳисобланувчи давлатлардан бири бўлиб қолмоқда.
Изоҳ (0)