Париж Олимпиадасида таэквондо учрашувлари бўлиб ўтмоқда.
Ўзбекистонлик спортчи Жасурбек Жайсунов дастлабки босқичда эронлик Барҳордарига баҳс олиб борди.
Дастлабки роундда ҳисоб очилмади, аммо Ўзбекистон вакили фаол бўлгани учун ушбу роунд ғалабаси унга насиб этди. Иккинчи роундда эронлик спортчи муддатидан олдин ғалаба қозонди.
Ҳал қилувчи роундда Жасурбек 6:3 ҳисобида олдинга чиқиб олди. Афсуски сўнгги сонияларда бошига зарба ўтказиб юборди — 6:6. Учинчи роундда эронлик спортчи фаолроқ бўлганини қайд этган ҳакамлар ғалабани Барҳордарига беришга қарор қилди.
Энди Барҳордори финалга етиб борган тақдирда Жайсунов бронза медали учун курашиш имкониятига эга бўлади.
Жасурбек Жайсунов 2002 йил 19 апрелда туғилган. У 2022 йилги Осиё ўйинларининг бронза медали соҳиби бўлган.
2022 йил август ойида Туркиянинг Коня шаҳрида 74 кг вазн тоифасида Ислом бирдамлик ўйинларида бронза медали соҳиби бўлган. 2022 йилда Жанубий Кореянинг Чунчон шаҳрида бўлиб ўтган таэквондо бўйича Осиё чемпионатида 74 кг вазн тоифасида олтин медални қўлга киритган.
Изоҳ (0)