АҚШ, Буюк Британия ва Австралияни ўз ичига олган AUKUS ҳарбий ҳамкорлиги интеграциялашган сунъий интеллектга эга дронларни биргаликда синовдан ўтказди. Бу ҳақда Британия ҳукумати ўз баёнотида маълум қилди.
“Бу AUKUS учун муҳим босқичдир: учта мамлакат автономия ва сунъий интеллектнинг (SI) футуристик интеграциясини илк марта бошдан кечирди”, дейилади баёнотда.
Қайд этилишича, дронга ўрнатилган сунъий интеллект операторга ердаги нишонларни аниқлаш, ўчириш ва йўқ қилиш имконини беради.
Расмийларга кўра, синовлар доирасида ҳар бир давлатнинг дронлари “умумий натижага эришиш учун” ягона ҳаво ҳудудида биргаликда ишлаган ва уч давлат жиҳозлари ўртасида “узлуксиз” маълумотлар алмашинуви амалга оширилган.
Синовларда Британия мудофаа фан ва технология лабораторияси, Австралия мудофаа фан ва технология ташкилоти, АҚШ ҳаво кучлари тадқиқот лабораторияси ҳамда АҚШ армияси тадқиқот лабораторияси мутахассислари иштирок этган.
Изоҳ (0)