Тошкентнинг икки туманида жами 12 та автомашина иштирокида ЙТҲлар содир бўлди

Тошкентнинг Шайхонтоҳур туманида 7 та, Чилонзор туманида 5 та автомашина иштирокида ЙТҲ содир бўлди. Бу ҳақда Тошкент шаҳар ИИББ Йўл ҳаракати хавфсизлиги бошқармаси ахборот хизмати хабар берди.

Маълум қилинишича, Шайхонтоҳур тумани, Беруний кўчасида соат тахминан 16:54 ларда 7 та автомобиль – 2 та Matiz, 1 та Nexia-3, Tracker, Onix, Chery, ва Isuzu иштирокида йўл-транспорт ҳодисаси содир бўлган. 

Chery ҳайдовчиси ҳаракат вақтида бир йўналишда тўхтаб турган автомашиналар билан тўқнашув содир этган. 

ЙТҲ натижасида тан жароҳати олганлар йўқ.

Шунингдек, 7 август куни соат 16:30 ларда Чилонзор тумани Бунёдкор шоҳ кўчасида 5 та автомашина – Matiz, Spark, Cobalt, Kia ва BYD иштирокида йўл-транспорт ҳодисаси содир бўлган. 

ЙТҲ натижасида тан жароҳати олганлар йўқ. 

Ҳолатлар бўйича Тошкент шаҳар ИИББ Йўл ҳаракати хавфсизлиги бошқармаси масъул ходимлари томонидан суриштирув ҳаракатлари олиб борилмоқда.