Франциянинг Париж шаҳрида ёзги Олимпиада баҳслари давом этмоқда.
Юнон-рум курашчиси Арам Варданян бронза медали учун ўтиш босқичида муваффақиятли иштирок этди. Спортчи беллашувда жазоирлик Абделкрим Оукалини мағлубиятга учратишга эришди. Энди у -77 кг вазн тоифасининг совриндорлар қаторидан жой олиш учун арманистонлик Малхас Амоян билан беллашади.
-1XC33MAF.jpg)
Яна бир “классик” курашчи Рустам Ассакалов (-97 кг) ҳам кечки дастурда (7 август) бронза медали учун курашиш имкониятини сақлаб қолди. Жанубий Корея вакили Сонг Жун Ким билан беллашган ўзбек спортчиси ажойиб ғалабаси билан Олимпиада медали сари яна бир қадам ташлади. Энди у бу йўлда кубалик Габриэль Кинделанга қарши гиламга чиқади.
Изоҳ (0)