Қозоғистон Марказий Осиё давлатларини энергетика лойиҳаларини биргаликда амалга оширишга чақирмоқда. Бу ҳақда мамлакат энергетика вазири Алмасадам Саткалиев минтақадаги энергетика идоралари раҳбарлари иштирокидаги йиғилишда маълум қилди.
Марказий Осиё давлатлари энергетика вазирларининг жорий йилдаги биринчи учрашуви Қозоғистон пойтахтида бўлиб ўтмоқда. Алмасадам Саткалиев саноатнинг асосий муаммолари сифатида нефть ва газ нархининг беқарор таъминоти ва тебранишларини қайд этган.
Хабарда таъкидланишича, аҳолининг ўсишини ҳисобга олган ҳолда ресурсларни ишончли таъминлаш учун республикалар энергия қувватини ошириш, “ақлли” электр тармоқлари ва сақлаш тизимларини жорий этиши керак. Энергетика соҳасида ҳамкорликни йўлга қўйиш бўйича дастлабки қадамлар аллақачон қўйилган.
“Биз Озарбайжон ва Ўзбекистон билан биргаликда яшил электр энергиясини ишлаб чиқиш ва узатиш соҳасида глобал лойиҳани амалга оширишни бошлаяпмиз. Ўзбекистон билан биргаликда Қирғизистонда йирик ГЭС – Қамбарота ГЭС-1 қурилишини, Тожикистондаги Роғун ГЭСда гидроэлектр станцияларини қуриш лойиҳасини муҳокама қилмоқдамиз”, дейди Қозоғистон энергетика вазири.
Остонада энергетика вазирликлари раҳбарлари якуний ҳужжатни имзолади. Эндиликда Марказий Осиё давлатлари минтақадаги энергетика инқирозини биргаликда енгиб чиқади. Бундай ҳамкорликнинг асосий мақсади арзон, ишончли ва замонавий энергия манбаларидан умумий фойдаланишдир.
Хабарда яқин йилларда Қозоғистон ўзининг энергетик салоҳиятини ошириш ниятида экани қайд этилган. Республика қайта тикланадиган энергия манбаларини кўпроқ қувват билан жорий этишни режалаштирмоқда.
Изоҳ (0)