Эрон Исроилга ҳужумда Қуддус ва Тель-Авивдаги ҳукумат биноларига, жумладан, бош вазир Биньямин Нетаньяху идораси ва парламентга ҳужум қилишни режалаштирмоқда.
Бу ҳақда Эрон қуролли кучларининг Defapress портали ёзмоқда.
Эҳтимолий нишонлар орасида Тель-Авивдаги Бен-Гурион, Хайфа ва Рамон аэропортлари ҳам бор.
Бундан ташқари, 8 та ҳаво базаси, 3 та порт ва бир қатор энергетика инфратузилмаси объектлари нишонга айланиши мумкин.
Аввалроқ Эрон Венгрия орқали Исроилни ҳужумдан огоҳлантиргани хабар берилганди. Унга кўра, Венгрия ТИВ раҳбари Петер Сиярто исроиллик ҳамкасби Исроил Кацга қўнғироқ қилган ва унга ушбу маълумотни Эрон ТИВ раҳбари вазифасини бажарувчи Али Багери Кани билан суҳбат чоғида олганини тушунтирган.
Изоҳ (0)