Қозоғистоннинг Қўстанай вилояти Приречное қишлоғида қорамолларда куйдирги касаллиги аниқлангани учун карантин жорий этилди.
Ветеринария бошқармаси барча нобуд бўлган қорамоллар жорий йилнинг баҳорида эмлангани ва ўлим бошқа касаллик туфайли ёки куйдиргига қарши вакцина реакцияси сабаб содир бўлганини айтган. Аммо шунга қарамай, Приречное қишлоғида карантин жорий этилган бўлиб, эпизоотияга қарши тадбирлар олиб борилмоқда. Фермага кираверишда йўл тўсиғи ўрнатилган.
Куйдиргига қарши курашиш қоидаларига мувофиқ карантин ҳайвонларнинг охирги ўлимидан 15 кун ўтгач, шунингдек, зарарланган ҳудудда барча ветеринария тадбирлари ўтказилгандан кейин бекор қилинади. Аммо ўлим сабаби бошқа касаллик эканлиги тасдиқланса, чекловлар аввалроқ бекор қилиниши мумкин.
Ветеринария бўлимининг маълум қилишича, охирги беш кун давомида қорамоллар ўлими қайд этилмаган, ҳайвонларнинг умумий аҳволи қониқарли, клиник белгилари кузатилмаган. Вазият вилоят ва туман ветеринария хизматлари назоратида. Бугунги кунга қадар Республика эпизоотияга қарши отряднинг Қўстанай бўлими томонидан инфекция ўчоғида маҳаллийлаштириш ва бартараф этиш тадбирлари ўтказиш ишлари бошланган.
Изоҳ (0)