Франциянинг Париж шаҳрида ёзги Олимпиада ўйинлари доирасида футбол мусобақасидан ўрин олган ярим финал ўйини бўлиб ўтди.
Франция Мисрга қарши баҳс олиб борди. Биринчи бўлимда дарвозалар ишғол этилмади.
Иккинчи бўлимда эса мисрликлар ҳисобни очди. 62-дақиқада Сабер ўз номини таблога ёздириб қўйди. 83-дақиқага келиб, Матета ҳисобни тенглаштирди. Шу тариқа жамоалар қўшимча бўлимларга мурожаат қилди.
Қўшимча бўлимларда французлар фаолроқ ҳаракат қилди. 99-дақиқада Матета дублни расмийлаштирди. 108-дақиқада эса Олисе ҳам ўз ҳисобига гол ёздириб қўйди.
Якуний ҳисоб 3:1, Франция фойдасига.
Иккинчи ярим финалда Испания Марокаш устидан зафар қучган эди.
Энди финалда Испания ва Франция ўзаро тўқнаш келади. Финал 9 август куни бўлиб ўтади. 3-ўрин учун кечадиган баҳсда эса Марокаш ва Миср U-23 терма жамоалари тўқнашувини кўришимиз мумкин.
Париж—2024.
Ярим финал
5 август, душанба
Франция — Миср 3:1
Голлар: 0:1 – 62 Сабер, 1:1 – 83 Матета, 2:1 – 99 Матета, 3:1 – 108 Олисе.
Франция U-23: Рест, Трюффер, Лукеба, Баде, Силдийя, Шотар, Диуф (Дуэ, 76), Аклиуш (Магасса, 119), Олисе, Ляказетт (Калимуэндо, 105), Матета (Шерки, 118).
Миср U-23: Ала, Абделмагид, Фаед, Эл Дебес (Мажар, 90), Шехата (Саад, 111), Эл-Ненни, Адел (Тарек, 93), Сабер (Камал, 98), Кока, Зизо (Хамди, 111), Фейсал (Отто, 90).
Огоҳлантиришлар: Зизо (105+1), Камал (105+2), Лукеба (105+4), Баде (89), Фаед (90+7), Микале (90+8).
Четлатиш: Фаед (92).
Изоҳ (0)