Испаниянинг Futuro Vegetal экологик ташкилоти фаоллари аргентиналик футболчи Лионель Мессининг Ибиза оролидаги уйи фасадига бўёқ сепиб кетишди.
Бу ҳақда ташкилотнинг Х ижтимоий тармоғидаги хабарида айтилган.
Futuro Vegetal вакилларининг таъкидлашича, мазкур уй “футболчи 11 миллион еврога сотиб олган ноқонуний иншоотдир”.
“Аҳолининг энг бой 1 фоизи энг камбағал учдан икки қисми каби бир хил миқдордаги карбонат ангидрид чиқиндиларига жавобгардир”, дейилади уларнинг баёнотида.
Аввалроқ Futuro Vegetal тарафдорлари Испанияда бир неча бор норозилик намойишлари уюштирган. Улар пойтахт аэропорти ишига халақит берган, Мадрид йўлларида транспорт ҳаракатини тўсиб қўйган, қироллик парламенти биносига бўёқ сепган.
2022 йилда икки фаол Мадриддаги Prado миллий музейида испан рассоми Франсиско Гойянинг (1746-1828) картиналари рамкаларига ҳам қўлларини ёпиштириб олиб, ўз эътирозларини шу тариқа билдирган эди.
Изоҳ (0)