Сурхондарё вилояти, Сариосиё тумани, “Хонжиза” маҳалласи ҳудудидан ўтувчи 4Р-107 автомобиль йўлининг 30-километрида 1 август куни соат 15:00 ларда ЙТҲ содир бўлди. Бу ҳақда Сурхондарё вилояти ИИБ ЖХХ ЙҲХБ ахборот хизмати хабар берди.
Маълум қилинишича, 2003 йилда туғилган ҳайдовчи “УАЗ” автомобилида ҳаракатланаётиб, ўзи билан бир йўналишда олдинда ҳаракатланиб кетаётган, 1979 йилда туғилган ҳайдовчи бошқарувидаги “УАЗ” автомашинасини қувиб ўтаётган вақтда автомобилнинг ўнг томони тўқнашган.
Натижада ҳайдовчи рул бошқарувини йўқотиб, транспорт воситаси йўлдан чиқиб, ағдарилган.
Ҳодиса оқибатида ағдарилган “УАЗ” автомашинасининг салонида бўлган 6 нафар йўловчига биринчи тез тиббий ёрдам кўрсатилиб, уй шароитида даволанишга рухсат берилган.
Мазкур ҳолат юзасидан тўпланган ҳужжатлар кўриб чиқиш учун жиноят ишлари бўйича судга юборилмоқда.
Изоҳ (0)