2024 йилнинг 10 июнь куни Click МЧЖ Акциядорлик Жамиятига айлантирилди. Мулкчиликнинг янги шакли билан боғлиқ бўлган муҳим ўзгаришлардан бири шундаки, Click оммавий компанияга айланди. Ошкоралик тамойилига амал қилган ҳолда, эндиликда Click ўз ишлари натижасини мунтазам равишда эълон қилади.
2024 йилнинг биринчи ярми компания учун самарали бўлди. Асосий кўрсаткичлардан бири – бу ишонч кўрсаткичи. Ойига Clickъга ўртача 250 минг атрофида фойдаланувчилар уланади, рўйхатдан ўтган фойдаланувчиларнинг умумий сони эса 17 миллионга етган. Тўловларнинг 15% га яқини @clickuz Telegram-боти ва USSD орқали ўтказилади (интернет уланишисиз тўлов усули).
Кундан-кунга кўпроқ фойдаланувчилар идентификациядан ўтиш орқали кенгайтирилган функсионалдан фойдаланишни танламоқда. Мазкур функсионал қўшимча имкониятлар беради, шу билан бирга фойдаланувчи маълумотлари автоматик равишда майдонларда тўлдирилиши сабабли, вақтни тежайди ва қўшимча қулайлик бахш этади. Бугунги кунда идентификациядан ўтган фойдаланувчиларнинг сони 3 миллиондан ортиқ.
Кунлик нафақат тўловлар, балки бошқа имкониятлардан фойдаланувчилар сони ўртача 2 миллионни ташкил қилади (+220%).
"Биз фойдаланувчиларимиз фаоллигининг ошгани, кўплаб янги хизматлар ишга тушганига боғлиқ деб ҳисоблаймиз. Click бугунда оддий тўлов воситаси эмас, эндиликда Click кўплаб кундалик вазифаларни бажариб, фойдаланувчиларга ёрдам беради", - дейди Click бош директори Улуғбек Рустамов.
Шундай қилиб, 2023 йилнинг иккинчи ярмида автомобиль эгаларини бир жойда тўплаган “Менинг авто” хизмати йўлга қўйилди. Мазкур хизматда биз тонировка ёки суғурта муддати қачон якунланишини айтиб турамиз, шунингдек уларни бир кликда узайтириш имконини берамиз, автомобиль эгасининг барча ҳужжатларини электрон версияларини сақлаймиз ва автомобилни бошқариш учун онлайн ишончномани расмийлаштириш имконини берамиз.
Бу хизмат жуда оммалашди, унинг функсионаллиги эса кундан-кунга ошиб бормоқда. Масалан, мазкур йилнинг биринчи ярмида суғурта расмийлаштириш миқдори ўтган йилнинг иккинчи ярмига қараганда 200% га ошди. Мазкур бўлимни бу йилда ҳам автомобиль билан боғлиқ кундалик юмушларни енгиллаштирувчи янги хизматлар билан бойитишда давом эттирмоқдамиз. Шунингдек, 2024 йилда янги хизматлар ва клуб маҳсулотлари ишга туширилди. Уларнинг орасида барча оилавий ҳисоблар бир ойнада жойлашган ва бепул пул ўтказмаларини амалга ошириш имконияти бўлган “Менинг оилам” бўлими, повербанклар ижараси, шунингдек велосипедлар ижарасини йўлга қўймоқдамиз, бундан ташқари таомлар етказиб бериш ва кинога чипталарни онлайн брон қилишга катта талаб борлигини кўриб турибмиз.
Айтиш лозимки, коммунал хизматлар каби анъанавий хизматлар тўловларида ҳам сезиларли ўсиш бор, масалан фаол фойдаланувчилар сони 210% га, тўловлар миқдори 310% га ошди.
Биз кундан-кунга кўпроқ кундалик юмушларни ўз зиммамизга олмоқдамиз, фойдаланувчилар эса керакли нарсаларни бир кликда олиш имкониятига эга бўлмоқдалар.
Бизнес ва хизматларни ривожлантирар эканмиз, жамоамиз ижтимоий масъулиятга алоҳида эътибор қаратади. Мазкур йилнинг энг муҳим лойиҳаларидан бири бу “Инсон учун” хайрия платформасидир. Лойиҳа ишга туширилганидан бери 2 178 265 006 сўм пул тўпланди ва 104 болага ёрдам берилди. Мазкур лойиҳа нотижорат бўлсада, компаниямиз учун жуда муҳимдир.
Асосий молиявий кўрсаткичлар 1 ярим йилликда қуйидаги натижаларни кўрсатди:
Компания пул айланмаси 32% га ошди ва 36 триллион сўмни ташкил қилди. Соф даромад эса деярли 50% га ошди. Бу эса компаниянинг самарали фаолияти ва янги хизматларга талаб мавжудлиги ҳақида далолат беради.
* Хусусий капитал 201% га ошди ва 119 миллиард сўмга етди.
* Тақсимланмаган фойда ҳаам 201% ошди ва 104 миллиард сўмни ташкил қилди.
* Компания активлари 245 миллиард сўмни ташкил қилади, бу эса ўтган йилга қараганда 39% га кўпроқ.
Барча кўрсаткичлар динамикаси 2023 йилнинг биринчи ярмига нисбатан кўрсатилган.
Реклама ҳуқуқи асосида
Изоҳ (0)