Спортчи Францияда кечаётган Олимпиада ўйинлари доирасида аралаш жамоавий дастурда 3 та терма жамоа вакилларига қарши беллашувларнинг барчасида ғалаба қозонди. Терма жамоа медаллар учун беллашувларни тўхтатгач, Гулноза спортчилик фаолиятини якунлашга қарор қилди.
Матниёзова Рио-2016, Токио-2020 ва Париж-2024 ёзги Олимпиада ўйинлари, 3 та Осиё ўйинлари, жаҳон чемпионатлари, “Катта дубулға” ва Гран-при мусобақаларида Ўзбекистон шарафини ҳимоя қилган. 2021 йил “Шуҳрат” медали билан тақдирланган.
Аввалроқ Парижда бўлиб ўтаётган Олимпиаданинг дзюдо турида жамоавий дастур бўйича бронза медал учун ўтиш баҳсида ўзбекистонлик дзюдочилар Жанубий Корея вакиллари билан куч синашиб, 4:2 ҳисобида имкониятни бой берган эди.
Ўзбекистон дзюдочилари яккалик баҳсларида 3 та медал жамғариб, Олимпиададаги иштирокини якунлади.
Изоҳ (0)