Ўзбекистон вақти билан 4 август тонгида АҚШнинг Лос-Анжелес шаҳрида катта профессионал бокс оқшоми ташкил этилди.
Ушбу оқшомнинг марказий жангида Исроил Мадримов ҳамда америкалик Теренс Кроуфорд биринчи ўрта вазн тоифасида WBA камари учун тўқнаш келди.
Дастлабки раундларда боксчилар бир-бирини ўрганишга ҳаракат қилган бўлса, кейинги раундларда иккаласи ҳам бир қанча хавфли зарбаларни алмаштиришга муваффақ бўлди. Сўнгги раундларда ўзбекистонлик боксчи бир қанча хавфли зарбаларни йўллади. 11-раундда эса Кроуфорд фаолликни оширди.
Якунда ҳакамлар очколар эвазига (116-112, 115-113, 115-113) Теренс Кроуфорднинг ғалабасини эълон қилди.
Теренс Кроуфорд бунга қадар профессионал рингда ўтказган 40 та жангининг барчасида ғалаба қозонган. Ғалабаларининг 31 тасига нокаут орқали эришган эди.
Мадримов эса олдинги жангида 8 март оқшомида Саудия Арабистонининг Ар-Риёд шаҳрида россиялик Магомед Курбановни 5-раундда нокаутга учратиб, WBA камарини қўлга киритганди.
Изоҳ (0)