АҚШ вице-президенти, демократ Камала Ҳарриснинг сайловолди штаб-квартираси Дональд Трампнинг 4 сентябрь куни Fox News телеканалида дебат ўтказиш таклифини рад этди. Бу ҳақда штабнинг ёзма баёнотида айтилади.
“Дональд Трамп қўрқиб кетди ва ўзи рози бўлган дебатдан қочишга ҳаракат қилмоқда. У телеканал уни қутқариши учун Fox News’га югурмоқда. Трамп ўйин ўйнашни бас қилиб, 10 сентябрь куни АBC телеканалида бўлиб ўтадиган дебатга келиши керак. Вице-президент миллий аудитория билан гаплашиш имкониятидан фойдаланиш учун ўша ерда бўлади. Трамп ҳам 10 сентябрь куни келиши керак”, дейилади ҳужжатда.
10 сентябрь куни АBC телеканалида Байден ва Трамп ўртасида иккинчи дебат ўтказилиши белгиланган эди. Аммо Байден пойгадан чиққанидан кейин Трамп бу дебатга бормаслигини эълон қилди. Унинг фикрича, АBC телеканали демократларга ён босадиган телеканал.
Шу боисдан Трамп Камала Ҳаррисни 4 сентябрь куни Fox News телеканалида дебат ўтказишга таклиф қилмоқда. Аммо Ҳаррис бу таклифни рад этди.
Изоҳ (0)