Жазирамада айни муддао: совитиш хусусиятига эга кўрпа ихтиро қилинди (фото)

HILU компанияси томонидан тақдим этилган стартап одатий кўрпа тушунчасини бутунлай ўзгартириб юборди. Энди нафақат совуқ кунларда иситадиган, балки ёзда салқинлик берадиган адёллар ҳам мавжуд.

HILU Bluvet гибрид кўрпаси уйқу қулайлигига инқилобий ёндашувни таклиф этади. У шахсий кондиционер каби совитиш функциясига эга бўлиб, инновацион технология асосида ишлаб чиқилган.

HILU Bluvet соғлом ва қулай уйқуни таъминлаш учун мўтадил ҳароратни сақлаш имкониятига эга. Ушбу текстиль матоси Ecо-cооl Polyfibers номли махсус толалардан ишлаб чиқарилади. HILU компаниясининг Adaptex CооlWeeb матоси узоқ муддат хизмат қилишга бардошли ва вазни енгилдир.

Компания таъкидлашича, бошқа совитиш хусусиятли материалларидан фарқли ўлароқ, HILU Bluvet ортиқча иссиқликни танадан эмас, балки ҳаводан олади.

Бундан ташқари, Adaptex CооlWеeb матоси микробларга қарши ва гипоаллергендир. Бу эса адёлда бактериялар ва ҳид тўпланишининг олдини олади. Уни кир ювиш машинасида тозалаш мумкин.

Кўплаб инсонларга бу ғоя шу қадар манзур бўлдики, стартапни қўллаб-қувватлаш учун 50 000 доллар тўпланди.

HILU Bluvet оқ, кўк ва оч яшил рангларда, икки хил ўлчамда мавжуд. Kickstarter платформасида унинг нархи 159 долларга баҳоланган.