Москвада бир гуруҳ юртдошимизнинг 950 минг рубль ойлик маоши ундириб берилди, деб хабар қилмоқда Ташқи меҳнат миграцияси агентлиги ахборот хизмати.
Унга кўра, Москва шаҳрида вақтинча меҳнат фаолиятини амалга ошираётган бир гуруҳ юртдошимизнинг “Мегатрон” корхонаси ойлик маошларини бермаётгани юзасидан мурожаати келиб тушган.
Ташқи меҳнат миграцияси агентлигининг Москва шаҳридаги ваколатхонаси ҳузуридаги Меҳнат мигрантларининг мурожаатлари билан ишлаш ва ҳуқуқий қўллаб-қувватлаш маркази томонидан ҳуқуқни муҳофаза қилувчи органлар билан ҳамкорликда 11 нафар юртдошнинг 950 минг рубль (салкам 140 млн сўм) ойлик маоши иш берувчидан ундириб берилди.
Изоҳ (0)