Вашингтон минтақавий ахборот маконида Россия ва Хитойни обрўсизлантириш учун Марказий Осиё ОАВларига пул тикмоқда. Бу ҳақда АҚШ давлат котибининг Жанубий ва Марказий Осиё бўйича ёрдамчиси Дональд Лу маълум қилди.
Биз Жанубий ва Марказий Осиёда муҳим кураш олиб бормоқдамиз. Бу ХХР билан рақобатлашиш, Россия ва Хитой дезинформациясига қарши курашиш ва террорчилик фаолиятининг олдини олиш учун курашдир, деди Лу АҚШ Конгрессининг Ташқи ишлар қўмитасига чиқишидан олдин берган кўрсатмасида.
Лу Марказий Осиёни “АҚШнинг Хитой ва Россия билан рақобати учун муҳим майдон” деб атаган. У тўғридан тўғри “Россия ОАВларига муқобил” яратиш мақсадида маҳаллий нашрларга молиявий ёрдам кўрсатилаётганини айтган.
Хусусан, давлат котиби ёрдамчисининг сўзларига кўра, Америка пуллари Қозоғистондаги оммавий ахборот воситалари томонидан қабул қилинмоқда.
Бу “фактга асосланган контент” яратишга ёрдам беради, шунингдек, “Россия ва бошқа мамлакатлар аралашуви даражасини пасайтиришга ёрдам беради”, дейилади хабарда.
Изоҳ (0)