АҚШ президентлигига номзод Дональд Трамп вице-президент Камала Ҳаррис билан дебат қилиш ниятида эканини айтди. Бу ҳақда Politico хабар берди.
10 сентябрга режалаштирилган навбатдаги дебат ABC News телеканали томонидан ўтказилади. Аммо 24 июль куни бўлиб ўтган телефон матбуот анжумани чоғида Трамп Ҳаррис билан баҳслашишини айтган ва “аслида бир нечта дебат ўтказишга тайёрлигини” маълум қилган.
Агар сиз Демократик ёки Республикачилар партиясидан номзодликка даъвогар бўлсангиз, шунчаки дебат ўтказишингиз шарт, дейди Трамп.
Politico’га кўра, Трампнинг конференция қўнғироғи иммиграция масаласига қаратилган бўлиб, бу орқали Трамп Ҳаррисга қарши курашнинг марказий қисмига айлантиришни режалаштирмоқда.
22 ва 23 июль кунлари Reuters ва Ipsos тадқиқот фирмаси ўтказган миллий сўровномада Ҳаррис АҚШ собиқ етакчисини 2 фоизга ортда қолдирган.
21 июль куни Байден президентлик кампанияси якунланганини эълон қилган ва Ҳаррисни ноябрь ойида бўлиб ўтадиган АҚШ президентлиги сайловларида қўллаб-қувватлашини маълум қилган.
Байденнинг баёнотини шарҳлар экан, Трамп уни АҚШ тарихидаги энг ёмон президент деб атаган.
Изоҳ (0)