АҚШ раҳбари Жо Байденни сайловолди кампаниясидан “унга тоқат қила олмайдиганлар” собиқ президент Барак Обама ва собиқ спикер Ненси Пелоси сиқиб чиқарди. Бу ҳақда Республикачилар партиясидан президентликка номзод Дональд Трамп маълум қилди.
“Обама унга тоқат қилмайди. У Байденнинг сайловолди пойгасини тарк этиш қарорида ўз ролини ўйнади, чунки у уни қўллаб-қувватламоқчи эмаслигини айтди”, — деди Трамп.
Номзоднинг қўшимча қилишича, Ненси Пелоси ҳам Байденни “ташлаб кетган”.
“Улар уни (Байденни) ташлаб кетди ва шундай деди: ё яхшиликча кетасиз, ё биз сизни таъқиб қиламиз. Худди шундай бўлди ҳам. Бошқа иложи ҳам йўқ эди. Бунга ҳеч қандай шубҳа йўқ... Улар Байден пойгадан чиқиши учун унга сайловда ютқазишини аниқ айтишди. Менимча, дебатлар унинг учун якун эди”, таъкидлади Трамп.
Байден сайловда қатнашмайди
21 июль куни Жо Байден президентлик сайловидан ўз номзодини қайтариб олди. Сиёсатчи партия ва мамлакат манфаатларига асосан шундай қарорга келганини айтди.
Сизнинг президентингиз сифатида хизмат қилиш ҳаётимдаги энг катта шараф бўлди. Мен қайта сайланиш ниятида бўлган бўлсам-да, ўз партиям ва мамлакатим манфаатларига кўра, номзодимни рад этишим ва қолган муддат давомида фақат президентлик вазифамни бажаришга эътибор қаратишим керак деб ҳисоблайман, деган у.
Байден президентлик пойгасида Камала Ҳаррисни тўлиқ қўллаб-қувватлашини билдирди. Унинг таъкидлашича, демократлар Трампни сайловларда мағлуб этиш учун ҳозир бирлашиши керак.
АҚШ Конгресси Вакиллар палатаси спикери Майк Жонсон қарор ортидан Байденни истеъфога чиқишга чақирди. Унинг фикрича, кейинги муддатга президент бўлишни истамаган одам ҳозир бу лавозимни эгалламаслиги лозим.
Изоҳ (0)