Бундесвер бош инспектори Карстен Бройер Россия етарли даражада ҳарбий салоҳиятни ошириб, НАТО ҳудудига 5-8 йил ичида ҳужум қилиши мумкинлигидан огоҳлантирди.
Унинг сўзларига кўра, ҳозирда “Россия армияси Ғарбга йўналтирилаётгани” аниқ.
Беш-саккиз йил ичида Москва қуролли кучлари НАТО ҳудудига ҳужум қилиш учун моддий база ва шахсий таркиб билан таъминланади, деди Бройер.
Унинг таъкидлашича, бу баҳо ўзининг таҳлили, иттифоқчи разведка идоралари ва ҳарбийлар маълумотлари ҳамда Россия раҳбари Владимир Путиннинг баёнотларига асосланган.
Россия армияси ҳар йили 1000 дан 1500 тагача қўшимча танклар ишлаб чиқаради. НАТОга аъзо бўлган Европанинг бешта йирик давлати бу миқдорнинг фақат ярмига эга, дея хулоса қилган Бройер.
Изоҳ (0)