Президент мактабларининг 1-босқич имтиҳон натижалари эълон қилинди, деб хабар бермоқда Ихтисослаштирилган таълим муассасалари агентлиги.
Маълум қилинишича, 7 июль куни ўтказилган 1-босқич имтиҳон натижаларини Кембриж таълим ташкилоти режалаштирилган вақтдан олдинроқ эълон қилди. Имтиҳон натижаларини Cambridge Assessment International Education ташкилотининг расмий веб-саҳифаси орқали кўриш мумкин: presidential-schools-pre-selection-results-July-2024
Шунингдек, “portal.piima.uz” сайтининг “Қабул 2024” бўлими “Натижалар” ойнасидан “Президент мактаби натижалари” бўлимида ID рақамни киритиш орқали ҳам натижаларни билиш мумкин: https://portal.piima.uz/page/ps1
Ихтисослаштирилган мактаблар ҳақида
2022 йил 14 апрель куни президентнинг “Президент таълим муассасалари агентлиги тизимидаги ихтисослаштирилган мактаблар тармоғини кенгайтириш тўғрисида”ги фармони имзоланган. Унга кўра, 2023 йил 1 июнга қадар фаолияти тугатилган меҳрибонлик уйлари ва болалар шаҳарчалари негизида 5 та ихтисослаштирилган мактаб-интернати ҳамда 3 та ихтисослаштирилган мактаб; 2022—2024 йилларда Президент таълим муассасалар агентлиги тизимида 25 та ихтисослаштирилган мактаб-интернатлари қуриш ҳамда келгусида янги ихтисослаштирилган мактаб-интернатлар ва ихтисослаштирилган мактабларни фақат агентлик тизимида ташкил этиш каби вазифалар белгилаб берилган.
Изоҳ (0)