АҚШ махфий хизмати узоқ вақт давомида собиқ президент Дональд Трампнинг хавфсизлигини таъминлаш учун қўшимча маблағ ажратиш ҳақидаги сўровларни рад этган. Бу ҳақда The Washington Post хабар берди.
Махфий хизмат матбуот котиби Энтони Гульельми маълумотни тасдиқлаган. У рад этилган сўровлар собиқ президентга суиқасд уюштирилган митинг билан бевосита боғлиқ эмаслигини айтмоқда. Собиқ президентни қўриқлаш вазифаси юкланган ходимлар сиёсатчи бўлган тадбирлар ва йиғилишларни текшириш учун магнитофонлар ва қўшимча ходимлар сўраган.
Бундан ташқари очиқ ҳавода ўтказиладиган тадбирларда қўшимча снайперлар ва мутахассисларни жалб этиш бўйича сўров юборилган. Махфий хизмат бу талабларни қондиришдан бош тортишини ресурслар етишмаслиги билан изоҳлаган.
Трампнинг маслаҳатчилари АҚШнинг биринчи шахсларини ҳимоя қилиш учун масъул бўлган хизмат “собиқ президентни ҳимоя қилишда етарли иш қилмаётганидан” бир неча бор норозилик билдирган.
Трамп штаб-квартираси Гульельмининг баёнотига изоҳ беришдан бош тортган. Бугунги кунда Махфий хизмат 20 дан ортиқ кишининг хавфсизлиги учун жавоб беради, уларнинг аксарияти доимий қўриқлашни талаб қилади. 2010 йилдан бери ходимлар етишмовчилиги кузатилмоқда, уларни ёллашга эса чекловлар жорий этилган.
Изоҳ (0)